MHE. MAJALIWA AZINDUA MKAKATI WA MICHEZO, AIPONGEZA WIZARA

       



Na. John Mapepele.

Waziri Mkuu wa Jamhuri ya Muungano wa Tanzania. Mhe, Kassim Majaliwa Majaliwa leo Aprili 5,2022 jijini Dodoma amezindua Mkakati wa Maendeleo ya Michezo wakati alipofungua rasmi Kikao kazi cha Maafisa Utamaduni na Michezo huku akipongeza Wizara ya Utamaduni, Sanaa na Michezo kwa mafanikio lukuki yaliyopatikana katika kipindi hiki kutokana na mikakati madhubuti iliyojiwekea.

Amesema kuwa   Wizara ya utamaduni, sanaa na Michezo inafanya kazi kubwa ambayo imekuwa na mchango mkubwa kwa pato la taifa, utulivu wa nchi na mshikamano miongoni mwa watanzania.

"Kazi kubwa mnayoifanya inaleta furaha ndani ya mioyo yetu. Sifa ya nchi yetu ambayo ipo ndani na nje imetokana na umoja, utulivu na amani na mshikamano tulionao” amefafanua Mhe. Majaliwa

Mhe. Majaliwa amesema sekta ya Sanaa imeweza kuitangaza Tanzania na kwamba nchi yetu imepata heshima kubwa katika michezo kutokana na michezo mbalimbali kufanya vizuri huku akitolea mfano wa Timu ya Taifa ya Mpira wa Miguu ya Walemavu Tembo Warriors ambayo imefuzu kuingia katika  michuano ya kombe la dunia la mchezo huo.

“Hadi ninapozungumza sasa tayari wachezaji wanne (4) wa Timu yetu ya Tembo Warriors wamesajiliwa kwenye timu za kimataifa katika mataifa ya nje ukiachilia mbali michezo mingine kama ngumi, kuogelea ambayo pia inafanya vizuri sana” ameeleza Mhe. Majaliwa.

Ameongeza kuwa Tanzania imepiga hatua kufika uchumi wa kati ambapo amesema sekta ya sanaa inamchango mkubwa katika hilo ambapo amesisitiza kuwa huwezi kutenganisha utamaduni na maendeleo yaliyofikiwa hivi sasa hapa nchini.

Ametumia kikao hicho kutoa maelekezo mbalimbali ya Serikali  kwa Wizara ya Utamaduni, Sanaa na Michezo na Wizara nyingine kwenye eneo la Utamaduni na Michezo  ili kuleta maendeleo katika sekta hizo. 

Akimkaribisha Mhe. Waziri Mkuu kutoa hotuba yake, Waziri wa Utamaduni, Sanaa na Michezo. Mhe. Mchengerwa amewashukuru viongozi wakuu wa nchi kwa kutoa kipaumbele kwenye sekta anazoziongoza huku akisema sekta za michezo na sanaa zina mchango mkubwa kwa taifa.

Comments

Post a Comment

Popular posts from this blog

Waziri Mchengerwa azindua zoezi la kitaifa la kusaka na kuibua vipaji "mtaa Kwa mtaa."

Image
  Na John Mapepele Waziri wa Utamaduni,  Sanaa na Michezo, Mhe. Mohamed Mchengerwa leo Oktoba 16, 2022 amezindua  zoezi la  kitaifa la  kuibua na kusaka vipaji  vya Sanaa la "Mtaa kwa Mtaa" eneo la  Ikwiriri wilayani Rufiji, zoezi ambalo litafanyika nchi nzima. Akizindua zoezi hilo katika eneo la Ikwiriri, Mhe. Mchengerwa amesema eneo linalofuata baada ya uzinduzi wa leo ni Mkoa wa Arusha ambapo litafanyika kila mtaa ili kuibua vipaji kwenye sanaa. Amewataka watanzania  wenye vipaji vya Sanaa kujitokeza wakati wa zoezi hilo likiendelea  ili waweze kuendelezwa baada ya kuibuliwa, huku akisisitiza  kauli ya Kipaji chako ndiyo mtaji wako. "Ndugu zangu hii ni ndoto ya Mheshimiwa Rais wetu, Rais anatamani kuona misingi iliyowekwa na Baba wa Taifa, Mwalimu Nyerere ya kuthamini na kuendeleza Sanaa inaendelezwa ili kuwanufaisha vijana" amesisitiza,  Mhe. Mchengerwa   Amezitaka mamlaka za wilaya na mikoa kote nchini kusai...
Read more

Mhe.Mchengerwa ampokea Rais wa FIFA

Image
  Na John Mapepele, Arusha Waziri wa Utamaduni, Sanaa na Michezo. Mhe, Mohamed Mchengerwa usiku huu ameongoza ujumbe wa kumpokea Rais wa FIFA Gianni Infantino anayekuja kuhudhuria mkutano wa 44 wa Shirikisho la  Soka Barani Afrika (CAF). Mkutano huo wa kwanza wa kihistoria unafanyika kwa mara ya kwanza nchini huku zaidi ya nchi 58 kutoka sehemu mbalimbali duniani zikishiriki. Mhe. Mchengerwa amemkaribisha  Rais wa FIFA Gianni na kumpatia salamu za Mhe. Rais wa Jamhuri ya Muungano wa Tanzania na kumwelezea  jitihada mbalimbali zinazofanywa na Serikali ambapo Rais wa FIFA ameelezwa kuridhishwa na maendeleo ya Michezo. Amepongeza kazi kubwa huku akisema amefurahishwa na makaribisho hayo. Mkutano huo unatarajiwa kuhudhuriwa na zaidi ya watu mia tano na kuangaliwa na watu zaidi ya bilioni moja. Waziri Mkuu wa Jamhuri ya Muungano wa Tanzania. Mhe, Kassim Majaliwa anatarajiwa kumwakilisha Mhe. Rais. Katika mkutano huo CAF inakwenda kuzindua  mashindano maalum ya soka y...
Read more

KUPOKEA TAARIFA YA KUSIMAMIA HAKIMILIKI NA UGAWAJI WA MIRAHABA NA MASHUJAA WA JUMUIYA YA MADOLA

Image
                       Na Mwandishi wetu– Dodoma  Waziri wa Utamaduni, Sanaa na Michezo, Mhe. Mohamed Omary Mchengerwa kesho Agosti 12, 2022, anatarajiwa kuwa mgeni rasmi kwenye hafla ya kupokea  taarifa rasmi ya namna bora ya ya kusimamia HAKIMILIKI na Ugawaji wa  Mirahaba kwa wasanii nchini kutoka kwa Kamati aliyoiteua Julai Mosi mwaka huu katika Ukumbi wa Kimataifa ya Mikutano wa Mwalimu Julius Nyerere kuanzia saa 11 jioni jijini Dar es Salaam.  Uteuzi wa Kamati hiyo, ulitokana na malalamiko ya wadau hususan wa Sekta ya  Sanaa nchini kuhusiana na namna mirabaha inavyokusanywa na kugawanywa,  kuwepo kwa vitendo vya uharamia katika kazi zao na elimu duni kwa wadau  kuhusu masuala hayo.  Aidha, uundaji wa Kamati hiyo ulitokana na maelekezo ya Mhe. Rais ya  kuitaka Wizara kusimamia na kutafuta muarobaini wa changamoto za  mirabaha kwa wasanii aliyoitoa Mei 30, 2022 jijini Dar es ...
Read more